Публикации » Атьăр, ачасем, юрлар-и те ташлар-и;

26 января 2011 г.

Кĕçĕн Тăван ял клубĕнче ачасен юрă-ташă кружокĕсем тепĕр хут ĕçлеме тытăннă. Кĕçĕннисем уроксем хыççăн эрнере 3 хутчен клуба пухăнаççĕ те юрра-ташша вĕренме пуçăнаççĕ. Вĕсене ташă хусканăвĕсем тума, юрă-кĕвĕ юрлама тивĕçлĕ канăва тухнă Надежда Ивановна Иванова педагог вĕрентсе пырать. Ачасем тĕрлĕ халăхсен юрри-ташшисене вĕренеççĕ. Уйрăмах вĕсем чăваш ташшисене ăста ташлаççĕ, юррисене илемлĕ те хаваслă шăрантараççĕ. Халĕ Кĕçĕн Тăван шăпăрланĕсем Пĕтĕм тĕнчери хĕрарăмсен кунĕ ячĕпе концерт хатĕрлеççĕ.