Публикации » Эх, илемлĕ-çке хĕлле!

02 февраля 2011 г.

Тĕнче курăма ÿстерес-пуянлатас тĕллевпе иртрĕ Мăн Вылă шкулĕнче «Пирĕн Хĕл – чипер Хĕл» конкурс-викторина. Унта 4-6-мĕш классенче вĕренекен 15 ача хутшăнчĕ. Поэзие, сăвва юратакансем пухăнчĕç класа. Акă, вырăс чĕлхине е литературине вĕрентекен Октябрина Афанасьевăпа Юлия Ильина сивĕ те ырă кăмăллă Хĕл Мучипе Пикене халалласа çырнă юмах-хайлавсене вулакансен конкурсĕ пуçланни çинчен пĕлтереççĕ те, ачасем пĕрин хыççăн тепри сăвă калама тытăнаççĕ. Ку конкурсра 6-мĕш класри Виктория Тихоновăна никам та çитеймерĕ. Иккĕмĕш вырăнта – унăн тантăшĕ Арина Иванова тата 5-мĕш класри София Иванова. Виççĕмĕшсем – 5-мĕшĕнчи Арина Васильевăпа 4-мĕш класри Таисия Иванова. Пурте вĕсем асăнмалăх парнесене тивĕçрĕç.