Публикации » Ленинград ункинче пулнă

02 февраля 2011 г.

Анчахрах Тăван çĕршывăн аслă вăрçи вăхăтĕнче Ленинград хулине нимĕç фашисчĕсен ункинчен татнă куна паллă турĕç. Паянхи кун пирĕн районта Ленинград хулине хÿтĕленĕ пĕртен-пĕр ветеран – Иван Николаевич Николаев пурăнать. Вăл 1921 çулхи авăн уйăхĕн 10-мĕшĕнче Тавăт ялĕнче çуралнă. Ăна Аслă вăрçă пуçлансанах фронта илсе каяççĕ. Çапăçусенче виçĕ хутчен аманать. 1942-1944 çулсенче Ленинград хулине хÿтĕленĕ çĕре хутшăнать. 1944 çулта ăна Шуя хулинчи пулемет батальонĕн саппас полкне вĕренме яраççĕ. Кун хыççăн вăл М.Катуков ертсе пыракан 1-мĕш танк çарĕн 8-мĕш механизациленĕ корпусне лекет. Польшăна ирĕке кăларнă çĕре хутшăнать Иван Николаевич, Берлина çитет.

1946 çулхи çу уйăхĕн 13-мĕшĕнче вăл киле таврăнать. Ăна Тăван çĕршывăн Аслă вăрçин пĕрремĕш степеньлĕ орденĕпе чысланă. Медальсем те нумай унăн. Мăшăрĕпе пĕрле 5 ача пăхса ÿстернĕ.