07 февраля 2011 г.
Шкул лесничествисемпе экологи пĕрлешĕвĕсене аталантарас, вĕсене пулăшас, чи лайăх коллективсене палăртса аталантарас тĕллевпе районта вăрман олимпиади иртнĕ.
Çак хаваслă та илĕртÿллĕ тупăшăва экологипе биологи пĕрлешĕвĕсене çÿрекен 13-17 çулсенчи ачасемпе çамрăксем хутшăннă.
Пĕрремĕш вырăнта – Тавăт шкулĕнчи 11-мĕш класри Дарья Семенова. Элĕк шкулĕнчи 10-мĕш «б» класри Юлия Семеновăпа Йăлкăш шкулĕнчи 9-мĕш класри Артемий Лукин – иккĕмĕшсем. Виççĕмĕш вырăнта – Элĕк шкулĕнчи 10-мĕш «б» класри Константин Васильев, Питĕшкасси шкулĕнчи Елизавета Никонорова тата Тавăт шкулĕнчи 9-мĕш класри Диана Васильева.