Публикации » Вулавăш кÿрет савăнăç

07 февраля 2011 г.

Чăваш Сурăмĕнчи библиотекăра «Вулавăш – пуриншĕн те савăнăç» экскурси иртнĕ. Кĕнеке тĕнчипе пĕрремĕш классене хăйсене вĕрентекен Юлия Степанова паллаштарнă. Курмалли, пĕлмелли сахал мар кунта. Вулавăшра «Библиотека», «Кĕнеке пуянлăхĕ», «Кĕнекесен куравĕ», «Абонемент» стендсем йĕркеленĕ. Пĕрремĕш класра вĕренекенсене вулавăшра харпăр хăйне мĕнле тытасси, кĕнекесемпе тирпейлĕ пуласси çинчен те каласа панă. Кĕнеке çÿлĕкĕсене кăсăкланса пăхса çаврăннă хыççăн 1-мĕшĕнчи 13 ача вулакан пулса тăнă.