20 февраля 2011 г.
Валерий Филиппов хамăр районти Чартак ялĕнче çуралса ÿснĕ. Вăл – Шупашкарти районсем хушшинчи çутçанталăка сыхлакан прокуратурăна йĕркелекенсенчен пĕри, Пĕтĕм Раççейри шывра путакансене çăлакан обществăн Чăваш Енри уйрăмне çĕнетсе никĕслекенĕ. Ăна «3а безупречную службу в Вооруженных Силах СССР» III-мĕш степеньлĕ медальпе, «Ĕç ветеранĕ» медальпе чысланă, вăл – Раççей Федерацийĕн Прокуратурин хисеплĕ ĕçченĕ.
Çак кунсенче Валерий Филиппович тăван ялĕнче пулнă, ентешĕсемпе тĕл пулса калаçнă. Вĕсене вăл Кураккасси ялĕнчи çăва çинче часавай уçма кăмăл пуррине пĕлтернĕ. Ял çыннисем ку шухăша ырланă, май килнĕ таран пулăшма кăмăл тунă.
Валериан Филиппович çавăн пекех Крымсарайкка ял тăрăхĕн пуçлăхĕпе Валериан Гордеевпа тĕл пулнă, ăна та хăйĕн ĕмĕт-тĕллевĕсем çинчен каласа панă. Часавай тăвас ĕçсене В.Филиппов хăй йĕркелесе пырасшăн.