21 февраля 2011 г.
Пирĕн çĕршывра кашни çулах нарăсăн 23-мĕшĕнче Çĕршыв хÿтĕлевçисен кунне паллă тăваççĕ. Уйăхлăха хутшăнса, Юнтапа шкулĕнче тĕрлĕрен хаваслă мероприятисемпе конкурссем ирттереççĕ. 5-7-мĕш классенче вĕренекенсем анчахрах «Атьăр-ха, арçын ачасем!» конкурс йĕркелерĕç. Унăн тĕллевĕ: кашнин хăйĕн Тăван çĕршывне юратмалла, ăна хÿтĕлеме пĕлмелле. Унта 5-мĕш классри Михаил Спиридонов, 6-мĕш «а» тата «б» классенчи Андрей Ефремовпа Игорь Арусланов, 7-мĕш «а» тата «б» классенчи Дмитрий Тимофеевпа Евгений Павлов хутшăнчĕç. Вĕсем спорт, музыка, шÿтпе кулăш, «Мухтав саманчĕ» конкурссенче тупăшрĕç.
«Атьăр-ха, арçын ачасем!» конкурсра 7-мĕш «а» класри Дмитрий Тимофеев çĕнтерчĕ.