Публикации » Сцена çинче – ăстасем

25 февраля 2011 г.

Тăван çĕршыв хÿтĕлевçисен тата Пĕтĕм тĕнчери хĕрарăмсен кунĕсене тĕпе хурса пур çĕрте те агитмассăлла мероприятисем ирттереççĕ. Ишпарайккăри культура çуртĕнче акă вырăнти художество пултарулăх коллективĕ таврари ялсенчен пухăннисене хăйĕн ăсталăхне кăтартрĕ. Калас пулать, программăна кĕртнĕ номерсене хăшĕсем питĕ аван хатĕрлесе çитерни палăрчĕ. Ку енĕпе Шĕмшеш вăтам шкулĕнчи Людмила Маркова вĕрентекенпе Мăн Ямаш вăтам шкулĕнче тимлекен Лариса Павлова завхоза тата Туçи ялĕнче пурăнакан Галинăпа Людмила Засыпкинăсене (амăшĕпе хĕрĕ) асăнса хăвармалла. Куракансене вĕсен уçă та илемлĕ сассисем тыткăнларĕç, çавнашкалах асăннă вăтам шкулсенче вĕренекенсем те хаваслă ташăсемпе савăнтарчĕç.

Концерта Шупашкарти музыка училищинче вĕренекен илĕртÿллĕ те маттур Людмила Засыпкина тата районти культура керменĕнче тăрăшакан ăста баянист Владимир Терентьев йĕркелесе ертсе пычĕç.

Г. САВЕЛЬЕВ.