Публикации » Хăйне кÿрентернĕрен пулăшу ыйтнă

05 марта 2011 г.

Çын пурлăхне хапсăнни – сиенлĕ йăла. Анчах та хăшĕ-пĕри çавăнтан пачах хăтăласшăн мар.

Ярхуньушкăнь ялĕнче пурăнакан А.Петров Чартак ялне кайнă. Унчченех шутласа хунă ĕмĕте пурнăçлас тесе Л.Федорован килне кĕнĕ, карас телефонĕ ыйтнă. Вăхăт иртсен кил хуçи хĕрарăмĕ арçына телефона каялла тавăрса пама сĕннĕ. А.Петров, телефона хăйĕнпе пĕрле илсе кайма шут тытнăскер, кил хуçи хĕрарăмне кĕлеткинчен тапса-çапса пĕтернĕ. Хыççăн телефона кĕсьене чикнĕ те киле кайнă. Л.Федорова йĕркелĕх хуралçисенчен пулăшу ыйтнă. А.Петров тĕлĕшĕпе саккунпа килĕшÿллĕн уголовнăй ĕç пуçарнă.

А.ВОЛКОВА,

Крымсарайкка ял тăрăхĕн

участок уполномоченнăйĕ.