05 марта 2011 г.
Çак кунсенче ял халăхĕ «Аса ил» эстрада ушкăнĕн концертне курма ялти культура çуртне пухăнчĕ. Сцена çине çамрăк каччăсем тухрĕç. Концерта Андрей Васильевпа Денис Яковлев юрăçсем «Хăнара» юрăпа пуçларĕç. Хăйсен уçă сассипе куракансен кăмăлне тыткăна илчĕç. Вĕсем хыççăн Анастасия Михайлова – Юманлăх ял хĕрĕ – «Савнăран», «Шурă хурăн», «Савни» тата ытти юрăсене сассипе шăрантарчĕ. Иван Родионов – Чулкаç каччи. Вăл хăй кĕвĕленĕ юрăсемпе паллаштарчĕ, тĕрлĕ шÿтсем каласа култарчĕ.
Денис Яковлев – Канаш район каччи – гитарăпа вылярĕ.
Андрей Васильев Хирлеппуçĕнче çуралнă, Элĕкри вăтам шкулта вĕренсе пĕлÿ илнĕ. 9-мĕш класа вĕренсе пĕтерсен, Шупашкара музыка енĕпе пĕлÿ илме кайнă. Салтак тивĕçне малтан Саратовра, кайран Таджикистанра пурнăçлать. Çулла тăван ене таврăнать. Кăçал вăл алла вĕренни çинчен диплом илет.
«Аса ил» эстрада ушкăн концерт программине Виталий Осипов ертсе пырать. Эстрада ушкăнĕ юрату çинчен ытларах юрларĕ.
Çамрăксем юрăсем шăрантарни пурне те килĕшрĕ.
Юлия ПЕТРОВА,
Хирлеппуç ялĕ.