12 марта 2011 г.
Иртнĕ кунсенче «Хĕлхем» физкультурăпа спорт комплексĕнче шашкăлла выляссипе ăмăрту иртрĕ. Кунта Элĕк районĕнчи вĕрентÿ тытăмĕнче ĕçлекенсем хутшăнчĕç. Вун пĕр команда тупăшрĕ. Элĕкри вăтам шкул команди пĕрремĕш вырăн йышăнчĕ. Иккĕмĕшĕнче Тавăтри вăтам шкул команди пулчĕ. Виççĕмĕш вырăна Вутланти пĕтĕмĕшле пĕлÿ паракан шкул команди тухрĕ.
Арçынсем хушшинче С.Куликов (Элĕк шкулĕ) пĕрремĕш вырăн йышăнчĕ. Иккĕмĕш вырăнта – З.Атюкин (Питĕшкасси шкулĕ), виççĕмĕшĕнче К.Громов (Вутлан шкулĕ).
Хĕрарăмсем те шашкăлла ăста выляççĕ. Элĕкри вăтам шкулта вĕрентекен В.Дмитриева çĕнтерÿçĕ пулса тăчĕ. Иккĕмĕш вырăна С.Капитонова (Вутлан шкулĕ) тухрĕ. С.Осипова (Карачура шкулĕ) виççĕмĕш вырăна тивĕçрĕ.