14 марта 2011 г.
Юнтапари вăтам шкулта хоккей площадкине уçнăранпа шкул ачисем, ялти çамрăксем пушă вăхăта усăллă ирттереççĕ. Вĕсем хаваслансах хоккейла выляççĕ.
«Хоккейла арçынсем анчах выляççĕ», – аса килчĕç юрăри сăмахсем. Анчах та çак вăййа хĕрарăмсем те кăмăллаççĕ иккен.
Пуш уйăхĕн 7-мĕшĕнче хоккей площадкине Юнтапа тата Якунекасси ялĕнчи хĕрарăмсем пухăнчĕç. Вĕсем командăсене пайланса хоккейла вылярĕç. Вăйăра уйрăмах З.Степанова, З.Иванова, Л.Антонова, Л.Сергеева, А.Кондратьева, В.Константинова, М.Николаева маттур пулчĕç. Вăйă 4:4 шутпа вĕçленчĕ.
А.КОНДРАТЬЕВА,
Юнтапари вăтам шкулти вĕрентекен.