16 марта 2011 г.
Тури Выла ял библиотеки Ураскилт ял тăрăхĕпе пĕрле Тури Вылара Хĕл ăсатăвĕн уявне туса ирттерчĕç. Спонсор пулма «Исток» фермер хуçалăх ертÿçи Н.Ермаков килĕшрĕ.
Уява йĕлтĕрçĕсем уçрĕç. Ăмăртура пĕрремĕш вырăна Витя Чамжаев тухрĕ, иккĕмĕш вырăна Дима Степанов йышăнчĕ. Валерий Степановпа Сергей Григорьев лашасемпе чупрĕç. Алексей Захаров хăйĕн янаварĕпе ачасене ярăнтарма кăмăл турĕ. Юрăсем юрлассинче Марина Степанова, Мария Удякова тата Эльза Михайлова палăрчĕç. Теннис турнирĕ те иртрĕ. Ку вăйăра Николай Макаров мала тухрĕ.
Уяв çĕнтерÿçисем Н.Ермаковăн парнисене тивĕçрĕç.
З.АЛЕКСАНДРОВА.