20 марта 2011 г.
Ульянов ячĕллĕ хуçалăхри ферма ĕçченĕсем, хĕл йывăр килнине пăхмасăр, выльăх-чĕрлĕхе япăх мар пăхса усраççĕ. Пур пек утă-улăмпа, тутлăхлă апатсемпе типтерлĕ те перекетлĕ усă кураççĕ.
Рациона витаминлă, минераллă хутăшсем те кĕртнĕ. Çавна май ĕне сăвакансен продуктивлăха ÿстерсе пыма майсем пур.
Çак кунсенче мăн вылăсем кашни ĕнерен куллен 13-14 килограмм сĕт суса илеççĕ. Кăтарту, пĕлтĕрхи çав тăпхăртипе танлаштарсан, пысăкрах.
Продукцие çу заводне ытларах пĕрремĕш сортпа кăна леçеççĕ. Хĕллехи тапхăрта ĕне выльăхсен хисепне чакарман. Кĕтÿ йышне малашне те çамрăк выльăхсемпе çĕнетсе пыма тĕллев лартнă.
Н.ИГНАТЬЕВА.