21 марта 2011 г.
Хĕвел тÿпенеллех хăпарса пынă май юр ирĕлме тытăнчĕ. Ăшă килсе çитнĕçем пусăрăнса çитмен юртан хăвăрт кăна шыв-шур (ейÿ) сарăлма пултарать.
Çакна шута илсе Ехремкасси ял тăрăхĕнче пурăнакансем çурхи ейÿне сирме тĕплĕн хатĕрленчĕç. Пĕвесем татăлса каясран пĕтĕм ял халăхĕпе пĕрле пăр касма тухрăмăр. Ку ĕçе Олег Михайловпа Юрий Никандров депутатсем йĕркелесе ертсе пычĕç. Сивĕ кунсенче пĕвери вышка пăрпа хуплансах ларнăччĕ. Ăна катса тасатассипе Радик Андреев питĕ хытă тăрăшрĕ: моторлă пăчкине илсе тухрĕ те шăннă пăра туххăмрах касса-вакласа пĕтерчĕ.
Паллах, мĕн пур ĕç укçа-тенкĕсĕр пулмасть: бензинĕ кирлĕ, ытти тăкаксене те сапламалла. Хĕл каçипе икĕ хутчен вак касрăмăр вĕт-ха.
С.ОРЛОВ,
Ехремкасси ялĕн старости.