Публикации » Таврапĕлÿçĕсем тавралăха тишкереççĕ

23 марта 2011 г.

«Эткер» центрта шкул ачисен краеведени тĕпчев ĕçĕсен Пĕтĕм Раççейри «Тăван çĕршыв» конкурсĕн республикăри тапхăрĕ вĕçленнĕ. Унта Чăваш Енри 11 районпа хулари 72 вĕренекен хутшăннă.

Конкурсăн тĕллевĕ – туризмпа краеведени тата тĕпчевпе шырав ĕçĕсене малалла аталантарасси, шкул ачисене тăван тавралăха тишкерме ансат сăнавсенчен пуçласа пысăк тĕпчев ĕçĕсем хатĕрлесси таранах хутшăнтарасси. «Литература таврапĕлÿлĕхĕ. Топонимика» номинацире Элĕкри И.Я.Яковлев ячĕллĕ вăтам шкулти 8 «б» класра вĕренекен Елена Леонтьева иккĕмĕш вырăн йышăннă (ертÿçи – М.Леонтьева). «Тăван тăрăхри литература эткерĕ» ĕçре вăл хамăр районти писательсемпе поэтсен пултарулăхне тишкерсе тухнă.

В.НИКИТИНА.