23 марта 2011 г.
Элĕк тăрăхĕнче бокс вăййи аталансах пырать. Мартăн 24-26-мĕшĕсенче Элĕк район администрацийĕн пуçлăхĕн парнисене çĕнсе илессишĕн йăлана кĕнĕ вун тăваттăмĕш турнирĕ иртет. Виçĕ куна пыракан ăмăртăва хутшăнма Чулхула, Ульяновск облаçĕсенчен, Тутарстан тата Мари Эл боксерĕсем кăмăл турĕç. Ринга çавăн пекех республикăри чылай районсенчи спортсменсем тухĕç. Ăмăрту Элĕкри «Хĕлхем» физкультурăпа спорт комплексĕнче кĕçнерни кун мартăн 24-мĕшĕнче 16 сехетре пуçланĕ.
Шăмат кун вара финал вăййисем 11 сехетре пулĕç.
Çавăн пекех мартăн 26-мĕшĕнче Ехремкасси ял тăрăхĕн куçса çÿрекен кубокне çĕнсе илессишĕн волейболистсем тупăшĕç.