26 марта 2011 г.
Пирĕн районти биологи предметне вĕрентекен вун пĕр учитель республикăри ĕçтешĕсен «Педагогика ăсталăхĕ» методика фестивальне хутшăннă. Çакнашкал фестиваль – пĕрремĕш-ха, вăл Патăръел районĕнче иртнĕ. Элĕксем ку тăрăхри шкулсенчи биологи вĕрентекенĕсен опычĕпе паллашнă, хăйсен ĕçĕ-хĕлĕ çинчен те каласа панă.
Фестивале хутшăннă 6 вĕрентекен тĕрлĕрен номинацисенче çĕнтернĕ. Акă вĕсем: Элĕк шкулĕнчи биологипе хими предмечĕсене вĕрентекен А.Алексеевăпа А.Иванова, Чăваш Сурăмĕнчи С.Алексеева, Йăлкăшри Г.Ильина, Ураскилт тата Тавăт шкулĕсенчи Г.Осиповăпа А.Иванова.
Çĕнтерÿçĕсене хисеп хучĕсемпе, парнесемпе чысланă.