27 марта 2011 г.
Чăваш Сурăмĕнчи пĕртăван Николаевсем çулсеренех ялсем хушшинче футбол турнирĕ йĕркелеççĕ. Йăлана кĕнĕ çак ăмăртусем кăçал та иртрĕç. Вăйăсен тĕллевĕ – çамрăксем хушшинче сывă пурнăç йĕркине анлăрах та анлăрах сарасси. Çивĕч тупăшăва Мăн Шĕвĕш, Чăваш Сурăм, Юлăш ялĕсен тата Чăваш Сурăм шкулĕн командисем хутшăнчĕç. Куçса çÿрекен кубока юлăшсем çĕнсе илчĕç. Иккĕмĕш вырăнта – шĕвĕшсем, виççĕмĕшĕнче – Чăваш Сурăм команди.
Çапла, çамрăксем футболла выляса вăхăта усăллă ирттереççĕ тата сывлăха çирĕплетеççĕ. Çавăнпах ĕнтĕ спортпа туслашаççĕ, пĕр-пĕринпе тĕл пулассине тĕпе хураççĕ.
В.НИКОЛАЕВ.