Публикации » Пурнăçра пуçа усман

30 марта 2011 г.

Юнтапа ял тăрăхне кĕрекен Чулкаç ялĕнчи Ивановсем çамрăк мар. Николай Ивановичпа Мария Григорьевна 1961 çулхи февралĕн 8-мĕшĕнче пĕр çемье чăмăртанă. Вĕсем пурнăçри йывăрлăхсене çĕнтерсе малалла утнă. Иккĕшĕ те ял хуçалăхĕнчи çăмăл мар ĕçрен хăраман. Çав вăхăтрах кил-çурта та çĕнетме пултарнă. Ивановсем виçĕ ачана кун çути парнеленĕ. Кашниех сывлăхлă ÿссе çитĕннĕ, пурнăçра хăйсен вырăнне тупнă.

Николай Ивановичпа Мария Григорьевна ватлăх çулĕсенче те ĕçсĕр лармаççĕ. Мăнукĕсемпе те савăнма вăхăт тупаççĕ. Ачисем ашшĕпе амăшне хăйсене пăхса ÿстерсе пурнăç çулĕ çине кăларнăшăн ялан ăшшăн тав тăваççĕ.

З.СТЕПАНОВА.