30 марта 2011 г.
Виçĕ куна пычĕ Чăваш Енри боксерсен Элĕк район администрацийĕн пуçлăхĕн парнисене çĕнсе илессишĕн йĕркеленĕ çивĕч тупăшу. Ăмăртусене хамăр республикăран кăна мар, Тутарстанпа Мордовирен те килсе çитнĕ çамрăк боксерсем – пурĕ 90 спортсмен.
Калас пулать, шутсăр интереслĕ иртрĕç çак ăмăртусем. Финала 17 мăшăр тухрĕ. Кĕçĕн ушкăнра (1999-2000 çулсенче çуралнисем) Анатри Кама хулинчи Алмаз Галиуллинпа Муркаш салинчи Иван Налимов çĕнтерчĕç. Йĕкĕтсен ушкăнĕнче (1997-1998 ç.ç.) чи вăйлисем – Денис Грачев (Муркашран), Никита Ермолаев (Шупашкартан), Кирилл Баламутин (Анатри Камăран), Сергей Файзуллин (Çĕмĕрлерен), пирĕн ентешсем Алексей Еремеевпа Александр Алексеев, Артем Егоров (Кÿкеçрен), Андрей Ситкин (Канаш хулинчен).
Аслăрах ушкăнри (1995-1996 ç.ç.) çĕнтерÿçĕсем – Анатри Камăри Роберт Давлетшин, Элĕкри Евгений Петров, Муркашри Станислав Кожевников, Шăхасанти (Канаш районĕ) Дмитрий Иванов.
Турнирăн чи вăйлă боксерĕ пирĕн ентеш Алеша Еремеев пулса тăчĕ. Ăна район администрацийĕн пуçлăхĕн парнипе чысларĕç. «Ăмăртури чи хастар боксер» ята та Элĕкри Евгений Петров тивĕçрĕ.
Çĕнтерÿçĕсемпе призерсене наградăсемпе тĕнче чемпионĕ, Европăра, Раççейре пĕрремĕш вырăна тухнă Валерий Львов (халĕ вăл Олимп чемпионĕ В.Соколов ячĕллĕ спорт шкулĕн директорĕ) тата «Тăван çĕр-шыв ывăлĕсем» пĕрлешÿ офицерĕсен Чăваш Енри организацийĕн ертÿçин пĕрремĕш çумĕ Иван Николаев чысларĕç.
(Хамăр инф.)