Публикации » Вĕренекен республикăра палăрнă

09 апреля 2011 г.

Март уйăхĕнче Шупашкар хулинче Чăваш Республикинчи шкулсенче вĕренекенсем хушшинче наукăпа тĕпчев ĕçĕсен «Отечество» конкурсĕ иртнĕ. Элĕк район чысне Чăваш Сурăмĕнчи вăтам шкулти 10 класра вĕренекен Анатолий Иванов хÿтĕленĕ, «Культурное наследие. Археология» номинацисенче вăл пĕрремĕш вырăн çĕнсе илнĕ. Анатолий Анатри Юлăш ялĕнче пурăнать, пушă вăхăтра историпе краеведени ыйтăвĕсемпе кăсăкланать. Е.Л.Ефимов истори учителĕ ертсе пыракан «Шырав» туризмпа краеведени вĕрентÿ ушкăнне çÿрет. Çĕнтерÿçĕн ĕçне Пĕтĕм Раççейри шкул ачисен краеведенипе тĕпчев конкурсне тăратнă.

(Хамăр инф.).