Публикации » Ăмăртусенчен пуш алăпа таврăнмарĕç

13 апреля 2011 г.

Иртнĕ шăмат кун кÿршĕлле Хĕрлĕ Чутай районĕнче Ю.А.Гагарин кубокне çĕнсе илессишĕн волейболистсен турнирĕ иртрĕ. Ăмăртăва пурĕ 6 команда хутшăнчĕ. Хĕрÿ кĕрешÿре Элĕкри «Хĕлхем» физкультурăпа спорт комплексĕн пĕрлештернĕ команди малти вырăна çĕнсе илме пултарчĕ. Шупашкарсем иккĕмĕшсем пулчĕç, Ехремкасси çамрăкĕсем вара виççĕмĕш вырăна тивĕçрĕç.

Вырсарни кун çавăн пекех Йĕпреç поселокĕнче «Урожай» обществăн зонăри вăййисем иртрĕç. Элĕк районĕн волейболисчĕсем муркашсене тата вăрнарсене кăна выляса ячĕç. Вĕсем виççĕмĕш вырăн йышăнчĕç. Çамрăксем спортпа туслă пулни питех те лайăх.

С.ЛАВРЕНТЬЕВ.