16 апреля 2011 г.
Районти ача-пăча вулавăшĕнче «Космос – ачасен куçĕпе» конкурс иртнĕ.
Ачасем 40 ытла ĕç тăратнă. Тупăшу «Тĕлĕнмелле пейзаж», «Малалла – çăлтăрсем патне», «Космос юнашарах» номинацисемпе иртнĕ. «Тĕлĕнмелле пейзаж» номинацире Элĕкри ача-пăча искусство шкулĕнче вĕренекен Геннадий Капитонов çĕнтернĕ. Иккĕмĕш вырăнта – Тени шкулĕнчи 9-мĕш класри Гульбану Есбосыпова. Виççĕмĕшĕнче Элĕкри ача-пăча искусство шкулĕнче вĕренекен Дмитрий Матвеев.
«Малалла – çăлтăрсем патне» номинаци çĕнтерÿçи – ача-пăча искусство шкулĕнче вĕренекен Дарья Леонтьева. Иккĕмĕшпе виççĕмĕш вырăнсенче – Элĕк шкулĕнчи 2 «а» тата 4 «а» классенчи Даша Корневăпа Даниил Филиппов.
Ача-пăча искусство шкулĕнчи Мария Романова «Космос юнашарах» номинацире çĕнтерÿçĕ пулса тăнă. Иккĕмĕшĕ – Тени шкулĕнчи 7-мĕш класри Андрей Яковлев. Виççĕмĕш вырăна ача-пăча искусство шкулĕнчи Кристина Капарова йышăннă.