20 апреля 2011 г.
«Çулталăк вĕрентекенĕ-2011» конкурса хутшăннă педагогсем сахал мар ăшă сăмахсем илтрĕç. Тупăшура пурĕ тăватă шкулти çичĕ учитель хăйсене тĕрĕслерĕç. Вĕсен професси ăсталăхне кăтартассипе тĕрлĕ тĕрĕслев витĕр тухма тиврĕ. Элĕк шкулĕнче чăваш чĕлхипе литературине вĕрентекен Марина Леонтьева, пуринчен те ăста пулнине çирĕплетсе, çĕнтерÿçĕ пулса тăчĕ. Çÿлерех асăннă шкулти технологи учителĕ Т.Петухова иккĕмĕш вырăн йышăнчĕ. Виççĕмĕш вырăнта – Тени шкулĕнче вырăс чĕлхипе литературине вĕрентекен Л.Максимова.
Тĕрлĕ номинацисенче Г.Купкенова (Элĕк шкулĕ), А.Васильева (Чăваш Сурăм шкулĕ), И.Ильдер (Элĕк шкулĕ) палăрчĕç. Вĕсем дипломсемпе парнесене тивĕçрĕç.
Республика шайĕнче район чысне М.Леонтьева хÿтĕлĕ.