20 апреля 2011 г.
Районти хуçалăхсенче çур акине хатĕрленессипе ĕçсем вăй илсех пыраççĕ. Минераллă удобренисене ку таранччен 665 тонна турттарса килнĕ. Кăтарту, пĕлтĕрхи çав вăхăтрипе танлаштарсан, чылай пысăкрах. Хресчен-фермер хуçалăхĕсем пулăх тăварĕсене янтăласа çитерчĕç. Ку енĕпе ĕçе «Новый путь», Ульянов ячĕллĕ, «Звезда», «Алмаз», «Авангард» хуçалăхсем те вĕçлесе пыраççĕ.
Ял хуçалăх предприятийĕсем вăрлăхлăх тĕш тырă культурисене улăштарса илессипе тимлеççĕ, пысăк репродукциллисене туянаççĕ. «Правда» хуçалăх, сăмахран, çурхи тулăн «Иргина» элита сортне илсе килчĕ.
«Новый путь», «Звезда» хуçалăхсем çурхи тĕш тырăсен вăрлăхĕсене химилле препаратсемпе им-çамлаççĕ.
А.ПРОХОРОВ.