27 апреля 2011 г.
Шупашкарти культура училищинче ял çамрăкĕсен «Хавхалану» фестивалĕ иртнĕ. Тĕллевĕ – юрă-ташăра, ытти ăсталăхра яш-кĕрĕмпе хĕр-упраçа суйласа илсе чи маттуррисене палăртасси.
Фестивале Вутланти ачасен вокалпа эстрада ушкăнĕ те хутшăннă. Акă ачасемпе çамрăксен искусство шкулĕнчи Зоя Семенова иккĕмĕш степеньлĕ диплома çĕнсе илнĕ. Вăл искусство шкулĕнчи виççĕмĕш класра вĕренет. Çак шкулти тăваттăмĕш класри Виктория Трофимова – виççĕмĕш степеньлĕ диплом лауреачĕ. Хăйĕн ăсталăхне куракансем умĕнче пултаруллăн кăтартса «Хунав» ансамбль те иккĕмĕш степеньлĕ диплома тивĕçнĕ.
Фестивалĕн йĕркелÿ комитечĕ Юрий Пантелеймонова тав çырăвĕ панă.