30 апреля 2011 г.
«Единая Россия» партин районти уйрăмĕн отчетпа суйлав конференцийĕ иртнĕ. Унта партин районти уйрăмĕн политканашĕн секретарĕ А.Платонов ĕç-хĕле пĕтĕмлетнĕ, умри тĕллевсене палăртнă. Çак йыш пĕр пин ытла члена пĕрлештерет.
Пухăннисем умĕнче партин районти уйрăмĕн тĕрĕслевпе ревизи комиссийĕ отчет тунă. Çавăн пекех конференци ĕçне хутшăннисем партин районти уйрăмĕн политканашĕн, тĕрĕслевпе ревизи комиссийĕн членĕсене, партин Чăваш регион уйрăмĕн черетлĕ конференцине кайма делегатсем суйланă. Политканашĕн секретарьне Л.Читнаева пĕр саслăн пулса çирĕплетнĕ.