01 мая 2011 г.
Районта улттăмĕш çул ĕнтĕ «Чи пултаруллă класс ертÿçи» конкурс ирттереççĕ. Кăçал çак тупăшăвăн хамăр районти тапхăрне 9 вĕренÿ учрежденийĕнчи 18 класс ертÿçи хутшăннă. Пурте вĕсем – пĕр коллективрах çулталăкран кая мар ĕçлекенсем.
Пуçламăш сыпăкра вĕрентекенсенчен пĕрремĕш вырăна Элĕк шкулĕнчи 4 «б» класс ертÿçи Татьяна Никандрова çĕнсе илнĕ. Юнтапа шкулĕнчи Ирина Николаева иккĕмĕш вырăна тивĕçнĕ. Вăтам сыпăкри класс ертÿçисенчен чи маттурри – Юнтапа шкулĕнчи Светлана Мукина. Тавăт шкулĕнчи 9-мĕш класс ертÿçи Алина Иванова – иккĕмĕш вырăнта.
Аслă сыпăкри класс ертÿçисенчен Мăн Ямаш шкулĕнчи 11-мĕш класс ертÿçине Анна Баранована çитекенни никам та пулман. Юнтапа шкулĕнчи 10-мĕш класс ертÿçи Вера Нестерова – иккĕмĕш.