Публикации » Чăваш фермерĕсен историне тишкернĕ

03 мая 2011 г.

Çак кунсенче Чăваш патшалăх педагогика университечĕн типографийĕнче «Становление и развитие крестьянских (фермерских) хозяйств Чувашской Республики в конце 20 в начале 21 веков» ятлă тĕпчев ĕçĕ пичетленсе тухнă. Тĕрлĕрен истори çăлкуçĕсемпе усă курса чăваш фермерсен 20 çулхи аталанăвне тишкернĕ унта. Монографи авторĕсем – пирĕн ентешсем: Л.А.Ефимов профессорпа (Какаç ялĕнче çуралнă) унăн аспиранчĕ П.П.Павлов преподаватель (Мартынкасси ялĕнчен). Районти тĕп библиотекăна кĕнекене парне тума та ĕлкĕрнĕ ăсчахсем. Сăмах май, авторсем иккĕшĕ те хăй вăхăтĕнче, фермер юхăмĕ тапрансан, «Нектар» тата «Восход» фермер хуçалăхĕсене йĕркелесе ертсе пынă. Çакă теорипе практика хушшинче тачă çыхăну пуррине çирĕплетет.