06 мая 2011 г.
К.В.Иванов ячĕллĕ Чăваш патшалăх академи драма театрĕнче ĕç династийĕсен республикăри IX слечĕ иртрĕ.
Унта Элĕк районĕнчи Тавăт ял тăрăхĕнчи Соколовсем хутшăннă. Вĕсен ял хуçалăхĕнчи ĕç династийĕ 169 çул.
Чаплă уявра Чăваш Республикин Президенчĕ М.Игнатьев сăмах каланă. «Эсир – чăннипех ĕç паттăрĕсем, хăвăрăн йăхран йăха пыракан династие малалла тăсатăр», – тенĕ вăл залра ларакансене саламланă май.
Михаил Игнатьев ĕç династийĕсен паха йăлисене аталантарса пыракансене тав çырăвĕпе, хаклă парнепе чысланă.
Слета вара чи маттур 34 династи пухăннă.