06 мая 2011 г.
Иртнĕ кунсенче Элĕкри культурăпа кану центрĕнче театр тата кино актерĕпе, Раççей Федерацийĕн тава тивĕçлĕ артисчĕпе Сергей Фетисовпа тĕл пулу иртрĕ.
Чи малтанах космонавтсен пурнăçĕ çинчен кĕске фильм кăтартрĕç. Пултарулăх каçне Элĕк район администрацийĕн пуçлăхĕн çумĕ Э.Николаев уçрĕ. Унтан сцена çине театрпа кино актерне Сергей Фетисова чĕнчĕ. Актер чи малтанах хăйĕн пултарулăх ĕçĕ-хĕлĕ çинчен каласа пачĕ, театрта тата кинора пĕрле ĕçленĕ паллă артистсене аса илчĕ. Çавăн пекех хăш-пĕр фильмсен фрагменчĕсене пăхма май пулчĕ. Куракансем актерăн пурнăçĕпе интересленчĕç, ыйтусем пачĕç. Юлашкинчен пухăннисене С.Фетисов вылякан «Çĕрлехи янăрав» («Вечерний звон») илемлĕ фильм кăтартрĕç.