Публикации » Маттур эсĕ, Карина!

06 мая 2011 г.

Шупашкар хулинче пĕтĕм регионсенчи шкулсенче вĕренекенсем хушшинче «В поисках истины» ятлă 7-мĕш наукăпа практика конференцийĕнче Элĕкри пĕтĕмĕшле пĕлÿ паракан вăтам шкулти 4 «Б» класра вĕренекен Карина Емельянова «Рябина» тĕпчев ĕçĕпе тухса калаçнă. Вăл çырласенчен тĕлĕнмелле «пилеш чупачупссем» хатĕрлемелли мастер класс ирттернĕ. Конференцине хутшăнакансене кун пек мастер класс питĕ килĕшнĕ. Юлашкинчен Карина ачасене асăнмалăх ÿкерчĕк парнеленĕ. К.Емельянова «Один раз увидеть» номинацире пĕрремĕш вырăн çĕнсе илнĕ. Тĕпчев ĕçне хатĕрлессинче технологи учителĕ Надежда Владимировна Андреева пысăк пулăшу кÿнĕ. Вĕрентекен хăйĕн вĕренекенĕсемпе капăр алшăллисем хатĕрленĕ.