Публикации » Пултарулăха уçса пачĕç

11 мая 2011 г.

Элĕкри ача-пăча искусство шкулĕнче нумай çул пĕтĕмĕшле эстетика уйрăмĕ ĕçлет. Унта вĕрентекенсен тĕп задачи – комплекслă музыкăпа эстетика аталанăвĕ тата ачасен пĕлĕвĕ. Кунта ачасем юрлама, сăнарлă искусствăна, ритмикăна тата сцена ĕçĕсене хăнăхаççĕ. Çуркуннехи уявсемпе паллашас тата ачасен мĕн те пулин сăнарласа кăтартас кăмăл-туртăмне вăйлатас тĕллевпе пĕтĕмĕшле эстетика уйрăмĕнче вĕренекен ачасемпе «Благовещени – çуркуннене виççĕмĕш хут кĕтсе илни» ятлă уяв иртрĕ. Кунта ашшĕ-амăшĕсене тата вĕрентекенсене чĕннĕ. Ачасем курма килнисене çуркуннепе хĕлле тавлашнине интереслĕ кăтартса пачĕç. Благовещени уявĕ пирки тата ĕлĕк-авал ăна мĕнле ирттерни пирки те каларĕç.

З.ВАСИЛЬЕВА,

Элĕкри ача-пăча искусство шкулĕн ертÿçи.