18 мая 2011 г.
Çу уйăхĕнче районти ялсене çÿп-çапран, ытти ăпăр-тапăртан тасатассипе смотр-конкурс пуçланчĕ. Вăл утă уйăхĕнче вĕçленет.
Смотр-конкурс тăватă енпе пырать. Пĕрремĕшĕ – ял тăрăхĕнчи урамсене, кил-çурт территорийĕсене тасатса тирпей-илем кĕртесси. Иккĕмĕшĕ – палăртнă участокра, санитарипе хÿтлĕх зонинче тирпей-илем ĕçĕсене пурнăçласси, виççĕмĕшĕ – социаллă сфера учрежденийĕн йĕри-тавралăхне тасатасси, тăваттăмĕшĕ – урамсене тирпей-илем кÿресси, пиллĕкмĕшĕ – чечексем лартасси тата кану кĕтесĕсем йĕркелесси.
Смотр-конкурса пĕтĕмлетме ятарлă комисси туса хунă.
Районти смотр-конкурса хутшăнмашкăн заявкăпа пĕрле фотоĕçсем, слайдсем, ăнлантару хучĕсем тăратмалла. Вĕсене ĕçлев комиссийĕ пăхса тухать. Ку фотоĕçсемпе слайдсене утă уйăхĕн 20-мĕшĕччен электронпа е хут çине кăларса памалла.