Публикации » Паттăр ячĕпе – асăну хăми

21 мая 2011 г.

Тени шкулĕн çурчĕ çине Алексей Герасимов ячĕпе асăну хăми вырнаçтарнă. Вăл 1996 çулта Чечня Республикинчи çапăçура пуçне хунă. А.Герасимов Тени салинче 1976 çулхи утă уйăхĕн 15-мĕшĕнче çуралнă. 1994 çулта водитель-механика вĕренсе тухать те çав çулхи раштавра ăна Раççей çарне илеççĕ. 1995 çулхи пуш уйăхĕнче Алешăна Çурçĕр Кавказа илсе каяççĕ. Хĕсметре тăнă чухне ентешĕмĕр старшина таран ÿсет. 1996 çулхи авăн уйăхĕн 7-мĕшĕнче Алексей йывăр аманать. Санитари вертолечĕпе ăна Ханкала хулинчи госпитале ăсатаççĕ, операци тăваççĕ. Шел, çамрăк каччă сурансене пула вилсе каять. Хăюлăхпа паттăрлăхшăн ăна «Мужество» орденпа чысланă.