25 мая 2011 г.
Райхаçатăн иртнĕ номерĕнче районта çамрăк армеецсем «Зарница» тата «Орленок» юхăмĕсен финалти вăййисем иртни пирки пĕлтернĕччĕ. Унта 13 шкулти çамрăк армеецсен 17 уйрăмĕ хутшăннă.
Виçĕ кунри çивĕч тупăшусен кăтартăвĕсемпе чи лайăххисене палăртнă. «Зарница» вăййисенче пĕрремĕшпе иккĕмĕш вырăнсене Питĕшкасси тата Вутлан шкулĕсенчи çамрăк армеецсен уйрăмĕсем йышăннă. Виççĕмĕш вырăнта Юнтапа шкулĕнчи çамрăк армеецсем.
«Орленок» вăййисенче пĕрремĕш вырăна Элĕк шкулĕнчи çамрăк армеецсем çĕнсе илнĕ. Иккĕмĕш вырăнта – Питĕшкасси шкулĕ. Юнтапа шкулĕнчи çамрăк армеецсем – виççĕмĕшсем.