25 мая 2011 г.
Мĕн çитмест-ши пирĕн пурнăçра; Мĕншĕн чăваш хаярланса та тискерленсе пырать; Пĕр-пĕринпе килĕштерсе те туслă пурăнас вырăнне хирĕçÿ час-часах сиксе тухать. Тăван-пĕтенпе ятлаçни, пĕр-пĕрне кÿрентерни те чылай чух усал ĕç патне илсе пырать.
Иртнĕ кунсенче, майăн 20-мĕшĕнче каçхи вунă сехетре Пĕчĕк Карачурара пурăнакан пĕртăвансем темскер пайлайман. Çамрăк Э., ÿсĕрскер, хăйĕн пиччĕшĕпе хирĕçсе кайнă. Э-ăн çав вăхăтра аллине пуртă çакланнă. Вăй-халне ниçта чикейменнипе В.-на пуртăпа пуçĕнчен темиçе хутчен çапать. Лешĕ вара йывăр сурансене пула майăн 21-мĕшĕнче районти тĕп больницăра вилсе каять. Халĕ çамрăкăн хăйĕн тискер ĕçĕшĕн саккун умĕнче явап тытма тивет.
М.ЕЗЮКОВ,
Етĕрнери районсем хушшинчи
следстви пайĕн аслă следователĕ.