01 июня 2011 г.
Питĕшкасси ял тăрăхĕнче 18 çула çитнĕ çамрăксем салтака кайма пуçларĕç. Пĕрремĕш салтак аттине тăхăнаканĕ Питĕшкасси ялĕнчи Сергей Никитин пулчĕ. Пур ял-йышпа, çывăх тăванĕсемпе, тус-юлташĕсемпе ăна чаплăн ăсатрĕç. Ватă çынсем телей пиллерĕç. Çывăх вăхăтра çĕр-шыва сыхлама Писĕп каччи Алексей Порфирьев тата Питĕшкасси каччи Владислав Михайлов каймалла.
Кăçал шкул пĕтерекенсем хушшинче те экзаменсем хыççăнах салтак аттине тăхăнакансем пур. Ку вăл – Питĕшкасси вăтам шкулĕнчи каччăсенчен те хитри тата сăпайли, хĕрсен чунĕсене çунтараканни Денис Логинов. Çамрăк хăйĕн çепĕç чĕлхипе тата сăпайлăхĕпе çирĕп ыйтакан вĕрентекенсен чĕрисене те çемçетме пултарать. Эпир пурте вĕсем çĕр-шыва тивĕçлипе сыхласса шанатпăр.
Л.ИВАНОВА.