01 июня 2011 г.
Иртнĕ кунсенче Чăваш Сурăмĕнчи культурăпа кану центрĕнче «Сасăсен асамлă тĕнчи» отчетлă концерт иртрĕ. Унта Элĕкри ача-пăча искусство шкулĕн филиалĕнче Чăваш Сурăм шкулĕ çумĕнчи вĕренекенсем хутшăнчĕç. Чăваш Сурăм шкулĕ çумĕнчи ача-пăча искусство шкулĕн филиалĕ тăваттăмĕш çул ĕçлет. Ачасем унта илемлĕхе ăнланма, туйма вĕренеççĕ, ташлаççĕ, юрлаççĕ. Вĕсемпе Альберт Моисеев, Юлия Степанова, Оксана Семенова, Сергей Артемьев тата ытти опытлă педагогсем ĕçлеççĕ.
Тăваттăмĕш класра вĕренекенсем ача-пăча искусство шкулĕнче вĕренсе пĕтернине çирĕплетекен документсене алла илчĕç.
А.СИЛИВЕСТРОВА.