01 июня 2011 г.
Йĕркеллĕ те мĕн пуррипе киленсе пурăнас вырăнне, чылай чухне çынсем тÿрĕ çул çинчен пăрăнаççĕ. Ытларах чух сăлтавĕ эрех пулса тухать. Чылай преступление ÿсĕр пуçпа тăваççĕ. Акă ку ырă мар ĕçсене те Вырăс Сурăмĕнче пурăнакан Н. хаяррине «тутанса пăхнă» хыççăн тунă.
Н. малтан темиçе хутчен те судпа айăпланнăскер, халĕ те хăйне валли тивĕçлĕ пĕтĕмлетÿсем туман. Пĕлтĕрхи чÿк уйăхĕн 10-мĕшĕнче унăн каçхине çывăрас шухăш пулман. Ĕçсе ÿсĕрĕлнĕ Н. çак ялтах пурăнакан Н. Павловăн çуртне ирĕксĕр майпа кĕрсе кĕсье телефонне вăрласа тухать. Телефонĕ вара Н.Павловăн мар, пĕлĕшĕн пулнă. Вăл ăна çав кун ирхине пĕр хĕрарăмăн килĕ умĕнче тупнă. Телефонĕ 1500 тенкĕ тăнă тата симки çинче 70 тенкĕ укçа пулнă. Çапла майпа Н. кил хуçине 1570 тенкĕлĕх тăкак кÿнĕ. РФ УК-ĕн пĕрремĕш пайĕн 158-мĕш статйипе килĕшÿллĕн преступлени тунă.
Ку кăна çитмен-ха «каçхи хăнана». Асăннă уйăхрах тепĕр кунне, Н. хаяррине сыпнăскер, Вырăс Сурăмĕнчех пурăнакан Н.Павлов патне пынă. Пÿрт умне çитсе тăнă Н. алăк çине çакса янă уçăпа питĕрмен çăрана илет, хуçи çуккипе усă курса шала кĕрет. Унтан пушă алăпа тухас килмест арçыннăн. Вăл электричество плити (600 тенкĕ) тата фарфор тарелккисене 15 штук (пĕри 40 тенкĕ, пурĕ 600 тенкĕ) çаклатса тухать.
Халĕ вара Н-ăн хăйĕн киревсĕр ĕçĕсемшĕн явап тытма тивĕ.
Н.СВИСТКОВ,
шалти ĕçсен пайĕн аслă
следователĕ, юстици майорĕ.