08 июня 2011 г.
«Звезда» хуçалăхра машинăпа сăвакан мастерсен тата выльăх-чĕрлĕхе искусственнăй майпа пĕтĕлентерекен операторсен конкурсне 13 çын хутшăнчĕ.
Жюри пĕтĕмлетнĕ тăрăх, машинăпа сăвакан чи лайăх мастер ята «Новый путь» хуçалăхри Ольга Алексеева доярка çĕнсе илчĕ. Вăл пĕрремĕш вырăн йышăнчĕ. Иккĕмĕш вырăна «Звезда» хуçалăхри Алиса Галкина тухрĕ, виççĕмĕшне «Звездари» Алина Алексеева çĕнсе илчĕ.
Ĕнесене искусственнăй майпа пĕтĕлентерекен операторсенчен «Новый путь» хуçалăхри Татьяна Гордеева пĕрремĕшĕ пулчĕ. Иккĕмĕшĕ – «Звездари» Альбина Кудрявцева, виççĕмĕшĕ – Кĕçĕн Тăванти ветеринари участокĕнчи Петр Петров оператор.