08 июня 2011 г.
Мăн Вылă ялĕнчи Василий, Геннадий тата Виктор Семеновсем – республикăн мухтавлă çыннисем.
Василий Семенович пуринчен те асли, çăмăл атлетика енĕпе СССР-ăн спорт мастерĕ, Чăваш Республикин физкультурăн тава тивĕçлĕ ĕçченĕ, Раççейĕн тава тивĕçлĕ тренерĕ. Василий Семенов 50-мĕш çулсенче республикăра хăвăрт утассипе пĕрремĕш секци йĕркеленĕ. Вăл 2002 çулта çĕре кĕнĕ.
Геннадий Семенович – Чăваш Республикин физкультурăн тава тивĕçлĕ ĕçченĕ, РСФСР-ăн тава тивĕçлĕ тренерĕ, республикăри çамрăксене хăвăрт утассипе вĕрентекен.
Виктор Семенович кĕçĕнни шутланать. Вăл СССР-ăн спорт мастерĕ, 1976 çулта Канадăри Монреал хулинче иртнĕ Олимп вăййисене хутшăнаканĕ, СССР вăхăтĕнче виçĕ хутчен чемпион пулнă. Паянхи кун Виктор Семенов Шупашкарти олимп резервин училищинче директорта вăй хурать.