Публикации » Ачасен юратнă тухтăрĕ

11 июня 2011 г.

Чăваш Енре «2011 çулхи педиатри участокĕн чи лайăх медицина сестри» професси ăсталăхĕн конкурсне районти тĕп больницăри ача-пăча консультацийĕн медицина сестри Алиса Захарова хутшăннă. Сывлăха сыхлас ĕçре вăл 19 çул тăрăшать, çав шутран педиатр участокĕнче – 5 çул. Алиса Ивановна конкурса ачасене сывлăх профилактики тăвас ыйтупа хатĕрленĕ ĕçне тăратнă. Çакă вара пĕртте ăнсăртран мар: ачасемпе тата вĕсен ашшĕ-амăшĕсемпе профилактика ĕçне мĕн тери лайăхрах йĕркелетĕн – çамрăк ăру çавăн чухлĕ сывлăхлă та тĕреклĕ пулать. Тÿрех калăпăр, Алиса Захарова малти вырăнсенех йышăнайман, çапах республика шайĕнчи пултарулăх конкурсне хутшăнни – хăех пысăк çĕнтерÿ!