15 июня 2011 г.
Элĕк ял тăрăхĕн администраци çумĕнчи «Ваттисен шкулĕ» аслă ăру çыннисене пурнăçри кăткăс тĕрлĕ ыйтăва татса пама пулăшать. Ватăсем пĕрле пуçтарăнсан вун-вун ыйтăва хускатаççĕ. Сывă пурнăç йĕркине те пăхăнаççĕ, эрнере икĕ хут Элĕкри «Хĕлхем» физкультурăпа спорт комплексне çÿреççĕ. Çуралнă кунсенче, юбилейсенче пĕрле пухăнса пĕр-пĕрне саламлаççĕ.
Сумлă çынсене пĕр çĕре пĕрлештерсе, йĕркелесе пыраканни – Пенсионерсен союзĕн районти уйрăмĕн ертÿçи Раиса Давыдова. Вăл чылай енпе пуçарулăх кăтартать. Пĕрле канашлани вара ватăсен пурнăçне чĕрĕлĕх кĕртет.
Ю.МАРЕЕВА.