15 июня 2011 г.
Çур ĕмĕр ытла – 51 çул пĕрне-пĕри килĕштерсе те юратса пурăнаççĕ Куракăшри Зойăпа Генрих Михайловсем. Зоя Степановна – медицина сестри, мĕн тивĕçлĕ канăва тухичченех Ехремкассинчи фельдшер-акушер пунктĕнче, районти тĕп больницăра тăрăшнă. Хăйне-хăй шÿтлесе: «Эпĕ 5 çăлтăрлă асанне-кинемей», – тесе калать. Мăшăрĕпе пĕрле икĕ хĕрпе тепĕр ывăл пăхса ÿстернĕ.
«Пирĕн юрату çулсем иртнĕçем çирĕпленсе те çирĕпленсе пырать», – теççĕ мăшăрсем. Генрих Григорьевич водитель профессине суйласа илнĕ.
Кăçал «ылтăн туя» паллă тăвĕç Анфиса Анисимовнăпа Михаил Петрович Петровсем. Вĕсем виçĕ хĕрпе икĕ ывăла ÿстерсе пурнăç çулĕ çине тăратнă.
Янкурасри Зоя Никандровнăпа Ананий Васильевич Васильевсем те çирĕп çемье чăмăртанă. Мăшăрсен икĕ ывăлпа виçĕ хĕр. Васильевсем кăçал «сапфир туйне» паллă тăваççĕ.
М.НИКОЛАЕВА,
ЗАГС пайĕн ертÿçи.