23 июня 2011 г.
Районта выльăх-чĕрлĕх ĕрчетес ĕçĕн отрасльне упраса хăварасси, ĕне выльăх пуçне пысăклатасси тата выльăх-чĕрлĕх продукцине ÿстересси – тĕп задачăсенчен пĕри. Анчах та выльăх-чĕрлĕхе ĕрчетме юрăхлă çуртсем, витесем кирлĕ-çке-ха.
Акă «Новый путь» хуçалăхра 200 пуç тына тытмалли ферма çĕклеме пуçланă. Фермăна кăçал çуркунне хăпартма тытăннă. Сентябрь уйăхĕнче çак объекта туса пĕтерме планлаççĕ. Хуçалăх строительство ĕçĕ çине 4 миллион тенкĕ уйăрнă.
2010 çулта хуçалăхра 60 пуç валли пăрулаттармалли ятарлă уйрăм хатĕрленĕ. Çĕнĕ витесем туни хуçалăха ĕне выльăх шутне ÿстерме пулăшĕ.
А.ПЕТРОВА.