23 июня 2011 г.
– Шур кĕпе-йĕм малтанхи тĕсне çухатса сарăхса ларчĕ пулсан ăна каçлăха сĕтре шÿтерсе лартăр. Ирпе халиччен пекех çăвăр. Япала шап-шурă пулĕ.
– Шурă нускисене сехетлĕхе сивĕ шыва (2 л шыва – çур апат кашăкĕ бор кислоти) ярса хурăр, хыççăн ахаль чухнехи пекех çуса çакăр.
– Медицина лейкопластырĕ хыççăн юлнă йĕре ÿтрен тип çупа йĕпетнĕ ваткăпа çăмăллăнах тасатма пулать.
– Скотч хыççăн юлнă йĕрсене тасатма ахаль тип çу пулăшать.
– Тум çинчи ручка йĕрне çÿçе сирпĕтмелли лакпа яма пулать. Вараланнă тĕле лак сирпĕтĕр те супăнь татăкĕпе лайăх сăтăрăр, унтан сивĕ шывпа çуса ярăр. Хыççăн ахаль чухнехи пекех çăвăр.