29 июня 2011 г.
Тĕлĕнмелле пурнăç паян! Интернет, кĕсье телефонĕсем. Ватă çынсем ку кăткăс техникăсемпе усă курма пĕлмеççĕ-ха. Юрать, почтальонсем пур – кашни кун килсерен çĕнĕ хаçат-журнал илсе çитерекенсем. Вутлан тăрăхĕнче Светлана Семенова почта валеçет. Тĕлĕнмелле çын вăл. Ватти те, çамрăксем те хисеплеççĕ ăна. Яланах ырă кăмăллă, пичĕ çинчи ăшă кулли кашнин чĕрине çемçетет. Ваттипе ватă, çамрăкпа çамрăк пек калаçать вăл, хуть те камăн чунне çепĕç сăмахпа ăшăтма пултарать. Çырăнтару вăхăчĕ çитни çинчен вăхăтра аса илтерет, çĕнĕрен те çĕнĕ хаçат-журнал çырăнма сĕнет. Çумăр çăвать-и е çил-тăман алхасать-и – почта ещĕкĕнче сана яланах юратнă хаçат çав-çавах кĕтет. Апла пулсан Светлана килсе кайнă.
А.ГОРШКОВ.