02 июля 2011 г.
Районти ял хуçалăх предприятийĕсем выльăх апачĕ хатĕрлессипе ĕçлеççĕ. Июлĕн 1-мĕшĕ тĕлне илес пулсан нумай çул ÿсекен курăксене «Алмаз» хуçалăхра 86 гектар çулнă, 130 тонна утă, 50 тонна сенаж хатĕрленĕ. «Звезда» хуçалăхра нумай çул ÿсекен курăксене 110 гектар çулни, сенаж 450 тонна хатĕрлени паллă. «Новый путь» хуçалăхра та ĕçсем кал-кал пыраççĕ. Кунта нумай çул ÿсекен курăксене 360 гектар çулнă, 350 тонна сенаж, 2200 тонна силос янтăланă.
Пĕтĕмĕшле илсен, районти ял хуçалăх предприятийĕсем нумай çул ÿсекен курăксене 1029 гектар çулнă, утă 250 тонна, сенаж 980 тонна, силос 2200 тонна хатĕрленĕ.
А.ПРОХОРОВ,
ял хуçалăх пайĕн начальникĕ.